SÉRTILBOÐ TIL KORTHAFA

Tilboð mánaðarins

Í hverjum mánuði eru spennandi tilboð fyrir Menningarkorthafa hjá söfnum Reykjavíkurborgar og samstarfsaðilum kortsins.

Tveir fyrir einn á Listasafn Reykjavíkur Hafnarhúsi

Apríltilboð Menningarkortsins er tveir fyrir einn í Listasafn Reykjavíkur Hafnarhúsi.

Um þessar mundir gefur að líta fjórar glæsilegar, áhugaverðar og skemmtilegar sýningar í Listasafni Reykjavíkur Hafnarhúsi.

Menningarkorthafar geta boðið með sér gesti í hvert skipti sem þeir heimsækja safnið í apríl.

Nánari upplýsingar um dagskrá má nálgast á heimasíðu Listasafns Reykjavíkur hér: https://listasafnreykjavikur.is/hafnarhus

Við minnum á að Menningarkorthafar fá 10% afslátt í Safnbúðum Reykjavíkur sem staðsettar eru í öllum söfnum Listasafns Reykjavíkur og Borgarsögusafni Reykjavíkur. Vöruframboðið er mismunandi eftir söfnum og þar má finna skemmtilega og öðruvísi gjafavöru.
Listasafnið hefur opnað glæsilega safnverslun þar sem hægt er að skoða vöruúrvalið. Afslátturinn gildir þó ekki á netinu.

 

 

Tveir fyrir einn á Landnámssýninguna

Í mars fá Menningarkorthafar 2 fyrir 1 á Landnámssýninguna í Austurstræti.

Sýningin veitir innsýn inn í líf og störf þess fólks sem fyrst settist að hér á landi.
Þungamiðja hennar er rúst skála frá 10. öld sem fannst árið 2001 og er varðveitt
á sínum upprunalega stað. Norðan við skálann fannst veggbútur sem er enn eldri,
eða síðan fyrir 871 og er hann meðal elstu mannvistarleifa sem fundist hafa á Íslandi.
Með hjálp margmiðlunartækni og túlkun fornminja er ljósi varpað á líf og tilveru fyrstu
íbúa Reykjavíkur og tengsl þeirra við umhverfið í nýju landi.

Við minnum á að það er frítt inn fyrir börn í fylgd með fullorðnum.
Þar er skemmtilegt leikhorn með fjölbreyttum leikföngum þar sem ýmindunaraflið
fer á flug og gaman er að skoða, dunda og leika.

 

 

 

 

 

 

 

 

 

*Menningarkorthafar geta tekið með sér einn gest í hvert skipti sem þeir heimsækja safnið í mars.

 

2 fyrir 1 á Listasafn Reykjavíkur, Kjarvalsstöðum.

Í febrúar fá Menningarkorthafar 2 fyrir 1 á Listasafn Reykjavíkur, Kjarvalsstöðum.*

Um þessar mundir gefur að líta tvær sýningar á Kjarvalsstöðum.

JÓHANNES S. KJARVAL: Hér heima
Í landslagsmyndum sínum birti Kjarval íslenska náttúru á gjörólíkan hátt en áður hafði tíðkast og kenndi landsmönnum að horfa á landið nýjum augum og meta fegurðina sem býr í hrauninu og mosanum við fætur okkar. Kjarval skipar stóran sess í íslenskri menningar- og listasögu og hefur veitt síðari kynslóðum listamanna ómældan innblástur. Kjarval málaði víða um land; á Þingvöllum og öðrum stöðum í nágrenni Reykjavíkur, á Snæfellsnesi, Skagaströnd, Austfjörðum og víðar.

SIGURÐUR ÁRNI SIGURÐSSON: ÓRAVÍDD

Sigurður Árni Sigurðsson á að baki áhugaverðan listferil og hefur hann útfært verk sín með fjölbreyttum hætti. Hann hefur alla tíð spunnið stef við málverkið og tekist á við eiginleika þess miðils. Verk hans fjalla um það hvernig við horfum á heiminn í kringum okkur, þau vekja spurningar um eðli og takmörk sjónsviðsins og hvernig það leggur grunn að heimsmynd okkar.

 

*Korthafar Menningarkortsins geta tekið með sér einn gest í hvert skipti sem þeir heimsækja safnið í febrúar.