SÉRTILBOÐ TIL KORTHAFA

Tilboð mánaðarins

Í hverjum mánuði eru spennandi tilboð fyrir Menningarkorthafa hjá söfnum Reykjavíkurborgar og samstarfsaðilum kortsins.

Tveir fyrir einn á Árbæjarsafn í júní!

Í júní geta Menningarkorthafar tekið með sér gest á Árbæjarsafn*

Reykjavík eins og hún var í gamla daga.

Árbæjarsafn er útisafn með 30 sögulegum byggingum sem mynda torg, þorp og sveit. Safnið er opið allan ársins hring.

Á safninu er leitast við að gefa hugmynd um byggingalist og lifnaðarhætti í Reykjavík og á sumrin má þar sjá húsdýr og mannlíf fyrri tíma. Sýningar, þar sem einstökum þáttum í sögu Reykjavíkur eru gerð góð skil, eru reglulega settar upp. Má þar nefna handverksdaga, fornbílasýningu, jólasýningu og margt fleira.

*Korthafar geta tekið með sér einn gest í hvert skipti sem þeir heimsækja safnið í júní.

Janúartilboð – tveir fyrir einn á öll söfn Borgarsögusafns Reykjavíkur

Í janúar geta handhafar Menningarkorts Reykjavíkur boðið með sér gesti í hvert sinn sem þeir heimsækja eitthvert af söfnum Borgarsögusafns Reykjavíkur. Borgarsögusafn Reykjavíkur er eitt safn á fimm einstökum stöðum:

  • Árbæjarsafn
  • Landnámssýningin
  • Sjóminjasafnið í Reykjavík
  • Ljósmyndasafn Reykjavíkur
  • Viðey (ath. aðgengi að Viðey hefur verið lokað í óákveðinn tíma vegna viðgerða á aðalbryggjunni )

Nánari upplýsingar um söfnin má finna á www.borgarsogusafn.is.

2 fyrir 1 á öll söfn Listasafns Reykjavíkur í desember. 

Menningarkorthafar geta boðið gesti með sér á öll söfn Listasafns Reykjavíkur í desember. 

Þær sýningar sem standa nú yfir í Listasafni Reykjavíkur eru meðal annars úngl- úngl, sýning á verkum Ólafar Nordal,  Get ekki teiknað bláklukku, sýning á verkum Jóhannesar S. Kjarval, Eitthvað úr engu, myndheimur Magnúsar Pálssonar og Bráðnun Jökla, sýning á ljósmyndum Ólafs Elíassonar sem opnaði nýverið í Hafnarhúsi. 

Korthafar geta tekið með sér 1 gest í hvert sinn sem þeir heimsækja Listasafn Reykjavíkur í desember. 

Hægt er að skoða sýningar Listasafns Reykjavíkur hér :

https://listasafnreykjavikur.is/syningar