Listasafn Reykjavíkur býður upp á dagskrá utanhúss þetta haustfrí, þar sem fjölskyldur geta notið listar og leikja saman úti undir beru lofti, á þeim tíma sem hentar hverjum og einum.

Leikum að list | 22. – 26. október

Í smáforritinu Útilistaverk í Reykjavík (sjá nánar hér) má finna margt til gamans:

• Ævintýri í Ásmundargarði – fjölskylduleiðsögn
• Klambratún – hljóðleiðsögn
• Hjólatúr um listaverkin í Breiðholti – hljóðleiðsögn
• Perlufestin, höggmyndagarður kvenna í Hljómskálagarði – stutt hljóðleiðsögn
• Laugardalur – lengri leiðsögn fyrir eldri krakka og fullorðna
• Strandlengjan í miðbænum, listaverkin frá Hörpu til Höfða – göngu- eða hjólatúr fyrir eldri krakka og fullorðna

Hér getur þú hlaðið niður Útilistaverk í Reykjavík (Reykjavik Art Walk) smáforritinu úr App Store.

Hér getur þú hlaðið niður Útilistaverk í Reykjavík (Reykjavik Art Walk) smáforritinu úr Goggle Play.

Ratleikur um Breiðholt til útprentunar | 22. – 26. október
Að auki er skemmtilegur ratleikur um Breiðholtið sem auðvelt er að hlaða niður í spjaldtölvur eða prenta út og skemmta sér við. Þar eru bæði upplýsingar um listaverkin, áhugaverðar kveikjur að vangaveltum og gott kort. Hér finnur þú pdf-skjal með ratleiknum um Breiðholt.

Hér heima – vídeóleiðsögn | 22. – 26. október
Leiðsögn með Eddu Halldórsdóttur sýningarstjóra um sýninguna Hér heima á Kjarvalsstöðum (lengd 9 mín.). Á sýningunni gefst gott tækifæri til að kynnast mörgum lykilverkum frá ferli listamannsins Jóhannesar S. Kjarval og fá innsýn í þróun landslagsverka hans.

Videóið má finna hér.
Nánari upplýsingar um sýninguna má finna hér.

Slökkt á Fyssu- Laugardalur | Föstudaginn 23. október

Útilistaverkið Fyssa eftir Rúrí hefur glatt gesti og gangandi í Laugardalnum í sumar. Nú líður að vetrardvala verksins og verður því slökkt á Fyssu á föstudaginn, daginn fyrir fyrsta vetrardag 24. október. Samkvæmt gamla norræna tímatalinu er það fyrsti dagur fyrsta vetrarmánaðarins – gormánaðar. Fyssa verður svo gangsett að nýju á sumardaginn fyrsta, 22. apríl á næsta ári.

Nánari upplýsingar um má finna hér.
Nánari upplýsingar um verkið Fyssu má finna hér.

Listasafn Reykjavíkur er ein af fyrirmyndarstofnunum ársins 2020 í flokki minni stofnana hjá borg og bæ, stofnana sem hafa 5-49 starfsmenn.

Valið á Stofnun ársins 2020 var tilkynnt í gegnum streymi14. október sl. en titlana Stofnun ársins og Fyrirmyndarstofnun hljóta þær stofnanir sem þykja skara fram úr að mati starfsmanna í könnun Sameykis stéttarfélags í almannaþjónustu.

Listasafn Reykjavíkur lenti í fjórða sæti í flokki minni stofnana, á eftir Borgarsögusafni Reykjavíkur, Skrifstofu Velferðarsviðs Reykjavíkur og Aðalskrifstofu Akranesbæjar sem var í fyrsta sæti.

Nánari upplýsingar má finna á heimasíðu Listasafns Reykjavíkur hér.

Þar má jafnframt fá upplýsingar um yfirstandandi sýningar sem hægt verður að heimsækja þegar losað verður um samkomutakmarkanir.