D29 Anna Hrund Másdóttir: Fantagóðir minjagripir

D29 Anna Hrund Másdóttir: Fantagóðir minjagripir

Fimmtudaginn síðastliðinn opnaði ný sýning, Fantagóðir minjagripir í D-salarröð Listasafns Reykjavíkur Hafnarhúsi. Það er listamaðurinn Anna Hrund Másdóttir sem á heiðurinn af sýningunni og er hún tuttugasti og níundi listamaðurinn sem sýnir í D-salnum. Anna Hrund leitar að listinni í sínu nánasta umhverfi og gerir tilraunir til að sameina undirmeðvitund og íhugun raunverulegum hlutum. Anna Hrund finnur hluti úr ýmiss konar landslagi, geymir þá og flytur milli heimila og heimsálfa. Hún tekur hlutina í sundur og endurraðar, og færir okkur vönd - uppstillingu af uppgötvunum úr raunveruleikanum.
 
Í D-sal Hafnarhússins eru að jafnaði sýnd verk eftir listamenn sem ekki hafa áður haldið einkasýningar í stærri söfnum landsins. Markmið sýningaraðarinnar er að gefa efnilegum listamönnum tækifæri til að vinna innan veggja safnsins og beina athygli gesta að nýjum og áhugaverðum hræringum innan listheimsins. Á árinu 2017 eru áætlaðar alls fjórar sýningar í sýningaröðinni.
 
Lesa má um sýninguna á vef Listasafns Reykjavíkur